30
октябрь
2020
"Мамандық таңдауда ұстанатын ережелер"
Бауыржан Момышұлы атындағы орта мектебінде мектеп психологы У.Ж. Базарбекова 9-11 сынып оқушыларының чатына "Мамандық таңдауда ұстанатын ережелер" тақырыбында бірнеше кеңестер ұсынды. Кәсіптік бағдар беру бойынша оқушыларға психологиялық қолдау көрсету, мамандық таңдауда білімдерін, түсініктерін кеңейте отырып, мамандықтарға ынта-ықласын, қызығушылығын арттыру. Мамандық таңдауда ұстанатын бірнеше кеңестерді оқушыларға айтып өтті: мектептегі оқу пәндері - нақты мамандық емес. Қалаған мамандықтың мазмұнына көңіл аудару қажет. Егер мамандық сенің досыңа ұнаса, саған ұнайды деген қорытынды жасауға болмайды. Мамандықтың мазмұны, қызықты қырлары, жұмыс тәртібі мен жағдайы туралы жауап бере алғанда ғана сенің таңдауындағы ой-ниетің салмақтана түспек. Алдағы өмірлік жоспарын қалай болмасын, шетел тілін үйреніп, компьютермен жұмыс жұмыс істеуді игерген аса пайдалы. Кез келген жағдайда қосалқы таңдаған мамандық болуы қажет. Мүмкіндігінше таңдаған мамандықтың өзіңнің денсаулық жағдайыңа тура келетін-келмейтіндігі жөнінде кеңес алған жөн. Оқушылар мен ата-аналар арасында ережелер туралы пікір алмасу жүргізіледі-деп айтып өтті.
