М. Мақатаевқа арналған әдеби сазды кеш

 Ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау мақсатында М.Мақатаевтың өлеңдері мен әндері арқылы оқушыларды әсемдікке, елжандылыққа тәрбиелей отырып, поэзия әлемінің сырын ашу үшін Бауыржан Момышұлы атындағы орта мектебінде «Жырлайды жүрек» атты  әдеби-сазды кеш өтті. Аламан бәйгеде оза шауып, өлең-жырда шашасына шаң жұқтырмаған ерен жүйрік, талантты тұлға Мұқағали ақынның өмір жолы әр алуан. Оны біріміз білсек, біріміз білмейміз. Олай болса, қыран тағдырлы ақын Мұқағали Мақатаевтің өмір жолынан деректер оқылып,интерактивті тақтадан видеороллик көрсетілді. 

Ия,  артына  өлмейтұғын сөз  қалдырғаны  да ақиқат. Абайдың  сөзімен  айтқанда:

Көп  адам  дүниеге бой  алдырған,

Бой алдырып,  аяғын  көп шалдырған

Өлді  деуге  сия ма,  ойлаңдаршы,

Өлмейтұғын артына  із  қалдырған -деп, оқушылар ақынның көптеген өлеңдерін жатқа оқыды.